Share on facebook
Share on twitter
Share on linkedin
Share on print

«Aschi, s’gseht us, als chönnte mir hüt e Rundi uf

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

«Aschi, s’gseht us, als chönnte mir hüt e Rundi uf dini Chöschte bschtelle.» «Wie chunnsch denn da druf. Meinsch, i heig d’Spändierhose aa?» «Das weiss i nid, aber dini Hosetäsche spannet so. Da muesch doch dys Portmonee guet gfüllt haa.» «Gwüss nid meh als süsch. Und überhoupt, was i i minere Hosetäsche ha, geit di grad gar nüt aa.» «Jitz machsch mi aber ou gwundrig. Sisch gwüss kei Naselumpe, wo hinder de Füdlebagge so usedrückt.» «So, Aschi. Rück use, bevor mir müesse handgryflich wärde!» «Jöööh. Wer hetti das dänkt? Üse Herr Instrukter sammlet heimlich Panini-Schüttelibildli, wie ne Schuelbueb.» «Das si dänk em Sohn sini…» «…mags nid zuegäh, aber nimmt sie glych a Stammtisch mit. Aber, aber…» «Luege mir doch grad mal, was drAschi so für Tschütteler het! Hm, vo dr Schwizer dr Frei und dr Cabanas, nähr ds Wappe vo de Italiäner, dr Oliver Kahn…» «Hesch dr Sforza ou scho?» «Dä schuttet doch gar nüm. Aber wenn dir so viel am Sforza ligt, so bstell doch bim Dori no n’es Mineral. Dert isch nämlich uf em Glas no dr Sforza vo dr WM ’94 druf.» «Ou, du hesch dr Raul dopplet! Hilfsch tuusche? Dä han’i nämlich no nid…uuups!» «Was, Rolf, säg nume, du sammlisch öppe ou?» «…dä han’i nämlich no nid vo nöch gseh, han’i welle säge.» «Dori, no n’es Chübeli!» «Hey, du hesch sogar dr Beckham. De darfsch uf kei Fall dinere Frou zeige, Aschi. Ds Nummero hinde uf em Bildli sig schyns em Beckham sys private SMS-Nummero.» «Eh, die Schütteler vo hüt si doch morn scho wieder vergässe. Irgendwo im Estrich han’i no ds Album vo dr WM ’74. We me luegt, wär dert drin gsy isch, so chunnt eim fascht ds Ougewasser: dr Gerd Müller, dr Beckenbauer, dr Cruyff. Das si Gsichter, wo hüt no jede kennt.» «Das isch no gar nüt im Verglych zum Tutenchamun. De isch scho viertuusig Jahr tot und schaffts hüt immer no i jedi Zytig.» «Tuten…wie heisst dä scho wieder. Vo dem hett doch ou mini Frou gredt und gseit, si möcht ne no ga luege.» «Und du Kulturbanause hesch dänk derby gmeint, dini Frou heig jitz es Gschleipf mit eme Marokkaner.» «Wieso, muess me dä kenne? De Tut… oder wie n’er heisst, hets ja no nie i n’es Schütteli-Album gschafft. Und wenn scho: De würd i emu nie gäge mi dopplet Chapuisat…uuups!» «… lue da, ou dr Röbu het sich verrate!» «Dumms Züügs! Was i ha welle säge isch: Wäge dem würd i nid emal mi dopplet schottisch Whisky abstelle.»

Meistgelesen

Mehr zum Thema