0

De Friburger Sportpriis füre Scherwey?

Da inisch am Telefon: Asch emmu nit wahr!

B: Du heschù gseh, de Scherwey isch nominiert füre Friburger Sportpriis...

P: Niemaus, dasch unmöglich huì. Du hesch eppa fautsch gläse.
B: Mou, ì sägeders. Mitùm starcha wa bi Olympic gsi isch ù mitùm Schneuwly, di zwü andere sägemer nüt.
P: Nei Paps, das chisi gar nit mache.Wart ì googles mau, das chan nit si im fau. Nit de Scherwey. Minschù eppa de Bertschy? Dä isch ja wenigschtens i de NHL.
B: Nei, dä sicher nit, dä isch lösch jahr nominiert gsi. Gugg säuber, asch de Scherwey. Irgend a Frou het scho a Läserbrief de FN gschrübe ù het sich o scho beschwert.
P: Isch wahr? Ebe wart, i bù uf de sita. Merde... tatsächlich, ja nei, aba itz schpinnesi.
B: Ungloublich oder? I ha äbe teicht, chentischù nit o a Brief de Fryburgera schriibe..
P: Ja Paps, i wiss nit, gau, i schriibe de Gottéronblog, i wiss nit ob i sozäge us fria Mitarbiiter a Läserbrief cha schriibe, gsesch wie?
B: Dasch scho klar, aber tuesch deich natürlich mii name drunder.
P: Du ja pff, ù wìsch, miner Kollege wa da i de Press schaffe, di kenne dä privat o, ù di säge ging ä sigi usserhaub vom iisch no a gäbiga.
B: Ja, aber dasch doch ekschtra gmacht, uusgrächnet de Scherwey us „Mérite“ sportif, stöü der vor.
P: Hesch scho rächt, as tönt lächerlich.
B: Heschù de Check gäge de Chlootener gseh?
P: Ja, Skandau. Ä fruschtet, schnidt mù de wäg ab ù meit ne, de andera het nit amau de Puck. I ha teicht, we üser aube 7 mätsch bechä, bechunnt dä eppa 10!
B: Ä het 1 match becho!
P: Ja, as schiisst an. Mafia verdammti. We de Sprunger zgliicha gmacht hätti hettener eppa scho lang 7 becho – u das zu Rächt!
B: Ù de Scherwey isch ja wùrklich a Wiederholigstäter.
P: Wischù no winer em Plüss im Finau fasch ds Gnick broche het...
B: I fünes ifach nit jùsch, wuala.
P: Los, i überlegemers, aber ì wiss nit ob ì das cha mache. I mìne, i schriibti scho lang gär amau a blog über die gröschte Luzifers va de andere Mannschafte, aber d'Fryburgera wott sicher nit, dass ì da uf ihris sita über d'Gägner flueche.
B: Ja ebe gùgg amau.
P: Wägetum Scherwey: I bù fasch sicher, dass dä inisch no bì Gottéron würd schpile.
B: Nei, das glùbeni nit.
P: Mou, de Gilou hisi ja o ommi gno.
B: Dasch stümmt o.
P: Aber de würds de luschtig. Mueschde gùgge, wenner de nai bi üs ommi so gruusigi Attackene macht, beschtraftne de d Liga nit mit 1 Spiel, aber mitum füf- oder zähfacha!
B: Ja ebe gùggisch, i ha teicht as sigi a Idee.
P: Das macheni. Samschtig gwünnemer gau?
B: Ja klar, kis Problem!
 

Kommentare zu diesem Artikel