Share on facebook
Share on twitter
Share on linkedin
Share on print

Calamares und Orangensaft

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

Autor: Christian Schmutz

Michel kommt zur Tür des Geiers herein und ist tropfnass. Er flucht: Itz spinnt er komplett, de Petrus!

Patrick: Was heschù ùmmi z motze, Mischù?

Michel: Das sy auso mindeschtens 75 Graad im Schatte – ù daas no vor ùm Zmoorge.

Hugo: Neei, itz ùbertrybschù auso. 75 Graad isch es eersch nam Zmoorge gsyy.

Franz: A propos Zmoorge: A Schlùck Orangschesaft wöle?

Michel: Orangschesaft? Süsch no epis?

Franz: E moou, vo de Spanier früschpresst – ùs dene orangschige Holänder.

Michel: Ja, dùù, itz han i würklich gmint, d Holänder gwini endlich o amaau epis.

Hugo: Nüüt isch. Di bùchää höchschtens di goudigi Ananas fùr di moraalische Syyger – wy jedes Maau.

Patrick: Jaa, i tippe zyt 20 Jaar bi jederi WM ù EM ùf d Holänder. Jedes Maau hii si mi enttüüscht – ù itz han i doch ghofft …

Franz: Aba, was woschù lamentiere. D Krake Paul het ja scho lengschtens voruusgsiit, dass d Spanier gwine.

Hugo: Ja, iigentlich chenti d Schütterler nùme no de Paul la entscheide – ù graad diräkt ùnder d Tuschi.

Patrick: De bruuchte si o nümme ging so vüu z bätte. De Fuessbau-Gott het i de lötschte Wùche emù extreem müesse Überstùne mache.

Franz: U d Spanier sy awä ifach di bessere Gglüübige aus d Holänder.

Michel: U de d Schwizer?

Patrick: Dù hesch ja säuber graad ùber e Petrus gfluechet wäge de Hitz. Da gits haut nit so a gueta Draat det wùy.

Hugo: A, drùm hii mer Honduras nit möge!

Michel: Lisi, i nüme itz glyych no as Pastis.

Patrick: U bring nis doch as par Calamares dezue – zur Feier des Tages.

Meistgelesen

Mehr zum Thema