Share on facebook
Share on twitter
Share on linkedin
Share on print

Gottéron-Klangwelten

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

Puck id Mitti, Bully, Allez! 

Z’Bully gwùnne, Puckbsìtz, Pass vüri, erschti Chance. 

Rückpass ad Blaui, Schläpper vam Naticaptain, a Granata – Pfoschte! Ah schaaad. 

Chappa vam lösche Verteidiger, Konter, Gägner allìnig vorùm Berra – save! 

Aazìgti Straf gäge üs, sächsta Fäüdspieler ùfem Iiisch, Skandal arbitre, dasch gar nüt gsi. 
«Il sait pas patiner. Il sait pas patiner!»

Ùnderzau Boxplay 4 gäge 5, ah hettemer doch de Botter no… 

Handglenk vo hinder, abglenkt, Gou! Rückstand. Chié quoi. 
 


Pousa, Iiischputzmaschina Zamboni. Nei, Rolba deich. D’mini-Rolba verzückt di chliine ù grosse. 18 Minute si lang, für d’Werbig haut.  
 


Mittùdrittù, Sitewächsù, mi trücke, si hìì kì Stich meh, dä git baud ichì!  

Querpass, zleera Gou, neeeei, asch nit wahr! 

Nachschuss, tüschig, umm z’gou umma, buebli, ai. Lexi hettene tah. 

Foul! hey arbitre, zwö Minute! Wiegand du…. Liga Mafia tammi.  

«Zéro, zéro, zéro, zéro-o-o.» 


Z’ 
löscha Drittù. Ufhoujagd, «Égalisez, Égalisez!» 

De Fanegge lanciert «on chante», d’Wiisawii wiederhole «on chante», «nous sommes les fribourgeois, et nous allons gagner!»

D’Seisler trììche no ììs.  

Zwoe Minute gäge di andere, «ousez!» ta, tatata ta tam, «ousez!» Ù itz hü amau tcheu va… 

«Arbitres et joueurs, ils restent deux minutes avant la fin du match.»

Goli dùsse, money time, löschi Chance, Schiess amau huì! D’Schiba ufds Gou, Abpraller, ä heichtne! – Goooou!
Verlängerig.  

Overtime, drü gäge drü, Bykov schlöflet, Sprunger isch links, Kiki ischa rächts, DiDo probierts im Slalom.  

«Ce soir on va gagner, schala lala la» 

Pass – Diräktschuss id Angla, Siegesgou, Gamewinner – Yeah!
Verdi’s La Marcia Trionfale, «Auf Wiedersehen, auf Wiedersehen», «Lyoba Lyoooba», Ehrerundi, «Il est vraiment phénoménal la lala lala la». 
 


Dä Blog widmeni im Gérald Zbinden, Requiescat in Pace lieba ù gschetzta Gentleman-Platzaawiiser, im St. Léonard wärde di vili Lüt nie vergässe ù ging im Härze trage. 

Kommentar (1)

  • 24.08.2021-Miette julmy

    Gross schnöre cha a jeda

Schreiben Sie einen Kommentar. Stornieren.

Ihre E-Mail Adresse wird nicht veröffentlicht. Die Pflichtfelder sind mit * markiert.

Mehr zum Thema