Grosse Stars – Noch grössere Forellen
Schnitzelbänkler bedienen sich bei internationalen Themen und lokalen News
Schnitzelbänke gehören zur Fastnacht ebenso wie der Umzug und die Guggen. Hier eine Auswahl spitzer Bemerkungen zum Zeitgeschehen.
Themen für die Schnitzelbänke gibt es zuhauf. Bei weitem nicht alle beschränken sich auf Lokales und Nationales. Ein gutes Beispiel von der Märlizunft zum 100. Geburtstag des deutschen Showstars Johannes Heesters:
Der Heesters, dä isch hundertjährig, das isch an Jahren viel.
Är isch no fit – doch mängisch düecht’s is, är wärdi chlei senil.
Är seit zur Frou: «I wetti gärn – das isch doch nid vermässe!!??»
U si: «Du hesch doch ersch grad chönne – hesch das de scho vergässe!!??»
*
Auch sportliche Themen sind immer wieder reizvoll. Die Rüebelochclique – oder wehwehweh.rüebe.komm, wie die Schnitzelbanksektion der Gruppe heisst – nahmen die Formel 1 aufs Korn:
D’ Sauber chömä nid vom Fläck
Bi denä fäut äs bits meh Dräck
Jetz isch’s für aui sicher klarer
Tschuld si di lahmä Outofahrer
D’Schwobä si idr Formu eis
Us Land erfougrich wiä süsch keis
Wi chöi diä grosssä Schnurrä – wo mir hassä
Überhoupt i so chlini Outo passä?
*
Nahezu unvermeidbar war ein Rückblick auf die Bundesratswahlen. Dazu Dr. h. c. mit Adlatus von der Mini-Zunft:
Dr Dezämber vom vergangene Jahr geit id Schwizer Gschicht i.
Opposition oder äch nid, isch ds grosse Thema gsi.
Der Blocher gwählt u Merz o grad, o d SVP gseht’s gärn
Jetz hei si wie die Dütsche ou ihres Wunder vo Bärn.
und noch einer von Dr. h. c., diesmal zum Postwesen:
Büecher, Schoggi u Gschänkpapier, es Natel öppe o,
Bürosache u no viu meh chasch bir Poscht bercho.
Briefmargge si dert Manguwar, Zähner fingsch du chum.
Gang dr Café bir Poscht ga poschte u d Märggli im Konsum.
*
AOC ist ein derart heisses Thema, dass es jeden Käse zum Schmelzen bringt, egal ob aus dem Wallis oder sonstwo. Das wissen auch die Schlössligeischter:
De Raclettechäs hei mier erfunde
Das meinesi fräch im Wallis unde
De chunt no Österrich zletschtemänt
Die cheibe bhoupte, sig ihres Patänt
Ob erfunde im Wallis oder z’Österrich,
Mir ässe Fondue, üs isch das glich.
*
Gespannt durfte man auf die Bänke zum Bezirksspital Merlach sein. Nichts Vergleichbares brachte den Seebezirk im letzten Jahr derart in Rage wie die Entscheidungen der Gesundheitsdirektorin. Immerhin weiss jedes Kind jetzt, was Akutversorgung bedeutet, oder?! – Die Glögglifrösche:
Seit ei Statistik, das isch hie doch es Bedürfnis.
De seit en anderi, das isch doch aues Hirnschiss.
Wosch einisch wüsse, wiviu Bett die müesse steue,
De muesch uf Murte mau a d Demo chli cho zeue.
Die Märlizunft malt schwarz:
D’ Regierig z’Friburg het Problem, die liegene uf em Mage.
Si wüsse nüm, mit was me no der Seebezirk chönnt plage.
D’s Spitau bau zue – u d’ Schmier scho wäg! Üs wird es ängg bim Schnuufe!
Jetz hei mir Angscht, dass die üs no – der Murtesee wägsuufe!!!
*
Das Lädelisterben in der Altstadt von Murten ist ebenfalls ein heisses Eisen. Nochmals die Glögglifrösche:
S’ het huufe Platz u es git ständig immer meh.
We das so witergeit, de wirsch du das no gseh.
De chunnt de Hollywood u wird das aues choufe.
U Murte wird aus Geisterstadt i Fiume loufe.
Konsultieren wir nochmals Dr. h. c.:
Ds Baby Berthy het scho zue, Ise-Willy ma nümm meh.
De Pfanne-Chrigu schiisst es a, em Metzler tuet’s o weh.
D Murtner Gschäft gö langsam i, der Umsatz ou nümm glingt.
Das isch der Stadt doch furzegal, Houptsach Parkbuess-Kasse stimmt.
*
Leider gibt es keinen Preis für die aktuellste Schnitzelbank. Dieser ginge wohl an den Ambassadör du Röstigrabe. In einem seiner Sketche mit der Ambassadrix erwähnt er «das 8990-Kilo-Monster», das der Fischer von Guévaux im Murtensee gefangen hat. Genauso sei es am vergangenen Mittwoch in den Freiburger Nachrichten zu lesen gewesen. «Das war wohl eher eine Zeitungsente als eine Seeforelle», findet der Ambassadör. hi
Mit «Chlapf» Jury überzeugt
«L’Hôpital Komödial» der «Schlossmüüs» wurde zum schönsten Umzugssujet erkoren. Der Wagen mit der Ohrfeigenmaschine für Ruth Lüthi konnte die Jury am meisten begeistern.
Die Jury setzt sich aus dem Juryobmann, je einem Vertreter der teilnehmenden Cliquen, zehn neutralen Juroren sowie zwei Vertretern der Fastnachtsgesellschaft Murten zusammen. Die Vertreter der Cliquen dürfen dabei ihr eigenes Sujet nicht bewerten. hi/Comm.
Die Rangliste: 1. «L’Hôpital Komödial», Schlossmüüs Murten, 360 Punkte; 2. «Bar Morat Dumm», Schlössligeischter, Merlach, 355; 3. «Bundesratswahlen», Glögglifrösche, Murten, 330; 4. «Möffe Park», Göggimöffezunft, Murten, 322; 5. «La grand Fête à la Ferme», Rüebelochclique, Murten, 305; 6. «Rettet Nemo», Ringmuurechutze, Murten, 300; 7. «Schwizer Schiiteam – mir häufe uf z’Podescht», Gässliguuger, Murten, 290; 8. «Ueses isch bessär, Ragglet us Murtä», Loubeschränzer, Murten, 254; 9. «Just for fun», Moosrugger, Galmiz, 198.
Kindersujets: 1. «Euro’din-Picotin», Rondin-Picotin, Murten, 324; 2. «Walpurgisnacht», 1. Primarklasse, Murten, 308; 3. «Zum Jubiläum lassen wir’s blühen», Kinderspielgruppe, Murten, 295.
