Share on facebook
Share on twitter
Share on linkedin
Share on print

«Hüt muess i e chly pressiere mit mim Chübeli. Ich

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

«Hüt muess i e chly pressiere mit mim Chübeli. Ich muess no i d Migros, und dir wüsset ja wie schnäll me dert versuumet wird.» «Säg nüt! Vor allem sit sie ihri Regal umgschtellt hei. I finde ds Aromat und Tomatesauce immer nume ersch, nachdäm i dür all Regal gschuenet bi.» «Da bisch nid dr Einzig. Mi Frou, wo ja gwüss jede Tag i d Migros geit, findet s Züügs ou no nid rächt, und es si ja scho es paar Monat, wo d Migros Murte alles a n’e andere Platz taa het. I möchte nume wüsse, was die sich derby überleit hei.» «Und jitz hei alli no n’e nöii Uniform. Nümme grüen-wyss, sonder rot-orange. Fasch wie ds Schutt-Dress vo dr AC Roma.» «Aber ou i dr Placette a dr Houptgass isch nüt me glych wie vorher. Wenn de dert ineloufsch, meinsch z’ersch, es sig e nöii Boutique uufgange. Jitz muess zersch dür d Frouechleider loufe, wenn de e Batterie für di Rasierapparat wotsch.» «Dert isch ja ds Gstürm scho bim Name. Eigetlech heissts ja Manor, und nid Placette, aber für mi isch das ging no dr Louvre.» «So wie für mir dr Chines im Stadthuus immer no dr Capra isch.»

«Dori, no n’es Chübeli!»

«Da lob i mir so n’e Lade wie dr Steffen. Dä heisst no glych, und mir findet d Sache, wo me wett choufe.» «Stellet öich nume vor, alli würde ihres Züügs umstelle. Wenn öppe dr Schopfer dr Kafioutomat würd verusse uufstelle, und derfür Tanksüüle i ds hindere Rüümli.» «Oder im Chino d Lynwand hinger, und d Sitzreihe vore wäre.»«Denn wär plötzlech i dr Dütsche Chilche dr Pfarrer a dr Orgele und d Frou Rüfenacht uf dr Kanzle.» «Am Änd bringt mir ds Dori no n’es Chübeli, wo dr Schuum unde isch, und ds Bier obe.»

Meistgelesen

Mehr zum Thema