Share on facebook
Share on twitter
Share on linkedin
Share on print

Patrick: Lisi, vier Pastis! Franz: I nüme kiis. Asch z hiiss fùr Pastis. Lisi resolut: Nüüt daa. De Scheff het gsiit, as geebi Trinkzwang. As Pastis sygi ds Minimum – ù ds…

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

P atrick: Lisi, vier Pastis!
Franz: I nüme kiis. Asch z hiiss fùr Pastis.
Lisi resolut: Nüüt daa. De Scheff het gsiit, as geebi Trinkzwang. As Pastis sygi ds Minimum – ù ds verdüne choschtet itz egschtra.
Michel: Dä sou nit aso blööd tue. Süsch mache mer de mit iim «Happy Slashing».
Lisi: Was isch daas?
Michel: Gisch ifach epperùm as Fläri ù tuesch füume, wyn er drùf reagiert.
Lisi: Oder gisch epperùm kis Pastis ù tuesch füume, wyn er drùf reagiert . . .
Franz: Potz Wärchtigshemmli. As schlaagfertigs Lisi hütt.

Lisi: Eppis muess mù ja chene, we de Beizer auz verbotte chùnt.
Franz: Waas de? Pastis z verchùùffe?
Lisi: Neei, daas niit. Aber mit Aukohoou muess mù hütt gruusig uufpasse . . .
Hugo: Stümmt, as giit ds Ggrücht ùma, ma törffi itz nùme no 0,5 Promill Bluet im Aukohou haa.
Lisi: . . . rüüke sou mù o i de Beize scho baud nüme chene . . .
Patrick: Ussert Hama. Ggrüükti Hama isch mys Lieblingsässe.

Lisi: . . . ù chäschtele tüe si zyt im Abrele o nüme bi üüs.
Hugo: Aber itz tüe si emù de defüür z Frybùrg as nüüs «Gastspiel-haus» bue. Vilicht isch daas d Rettig fùr d Würte. Di sueche i iines Hüüser ja Gescht wa tüe spiile.
Lisi: Witzig, witzig . . . Neei, I gglùùbe, d Löösig wee as Verbots-Moratoorium. Graad asoo wy bi de Häärz-Transplantatioone z Zürich.

Patrick: Aber Lisi, nene mer doch das Chinn bim Naame: As het zvüu Beize!
Franz: Stümmt. Wäge myne chii guet as paar Beize zuetue. I gaa ja ging nùme i «Geier». Dä muess de natüürlich offe plyybe.

Hugo: Äbe. Ù genaau asoo isch es o bim Baanhoof-Büffe z Frybùrg. Das gseegi doch no schöön uus, sääge si – ù drùm söli doch lieber di andere verschwinde.
Michel: Ds Lisi gseet emù o schöön uus. Drùm bün i o defüür, ass si cha plyybe.
Patrick: Auso Lisi! Fertig mit dem Moratoorium. Bring nis as Pastis. De chii mer der d Beiz i d Hööji suuffe.

Christian Schmutz,
Oorespitzer

Meistgelesen

Mehr zum Thema