«PotzSunntigshemli, Rolf, dyni Visage gseht aber g

«PotzSunntigshemli, Rolf, dyni Visage gseht aber gfürchig us. Da n’e Blätz ab, dert en Egge… und tüsch i mi, oder gseh n’i bi dir no n’e nöii Zahnlücke.«Das isch nid zum Lache. Dr Slow-up isch mir hüür tüür cho. Einisch nid gluegt, e so n’e Tubel chunnt gäge Strom, und scho isch mi Zahnarzt wieder 3000 Stutz rycher.»«Grad vori, wo’d abghocket bisch, han’i gmeint, da chömi dr George Bush. Dä gseht ja jitz öppe glych us, wo n’er z’Texas vom Velo purzlet isch.»«Leider nume vom Velo. Weisch, wie d’Wält ufgatmet hätti, wenn d’Zytige hätti chönne schrybe: ?» «Ja. Es wär scho öppe a dr Zyt für ihn. Jitz müesse zwar fangs e Gfängnisdiräktorin und e Militärkommandant dra gloube, aber dr Bush merkt nid, dass für ihn sälber dr Zytpunkt zum Rücktritt ou cho isch.»«Das merkt ja dr Papst ou nid. Ändlech hei emal es paar Geischtlichi dr Muet gha ihm z’ schrybe, es längi öppe.» «Na ja. Immerhin het dr Papst no gnueg Klarsicht gha, gäge Irak-Chrieg z’reklamiere. Und jitz het är sogar no es Buech gschrybe… «Das heisst no gar nüd. Büecher hei scho viel minderi gschrybe…» «Uf all Fäll schade so Sässelchläber i de meischte Fäll nume.»