Share on facebook
Share on twitter
Share on linkedin
Share on print

Ritalin für de Steinbrück

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

Autor: Urs haenni, oorespitzer

Aschi: «… und denn isch dä Tubel us sim Charre uusgstige, het dr Kofferruum uufgmacht, und het … nei, halt: Bevor är uusgstige isch, het är zersch d’Schybe abekurblet, und glychzytig bin i nähär vo dr lingge Syte, wüsst Dir vo hinger, und drufabe … Hey! Lost mir überhoupt öpper zue?»

Röbu: «Vo was hesch es grad ghaa?»

Aschi: «Frächheit. Da verzell i grad, was dä dumm Siech hüt … egal, aber der Röbu isch mit sine Gedanke ganz aneme andere Ort.»

Rolf: «Gwüss lidet är a so neme Uufmerksamkeitsdefizit!»

Aschi: «Grad e so: Vo däm Uufmerkkeitsam … oder wie das Zügs heisst, cha me hüt ging meh läse. I dr Schuel sig das im Momänt grassierend. D Schuelärzt verschrybe schyns massehaft so Tablette …»

Rolf: «Ritalin heisst das. Und nöiderdings schlucke das nid nume d’Schüeler, sondern ou d’Lehrer sälber.»

Röbu: «Also, Vitamin-Tablette si emu guet, bi däm trüebe Wätter.»

Rolf: «Ritalin! Nid Vitamin. Dori, mir no n’es Chübeli!»

Pöilu: «I ha gmeint, das Ritalin bruucht’s, wenn sich eine nid cha ruhig ha. Das isch doch das Zappel-Philipp-Medikamänt.»

Rolf: «Richtig: Hyperaktivitätsstörig heisst das. Für das wird Ritalin ou ygsetzt.»

Röbu: «Also, i gloube a däre Hypothekarstörig isch d’Wirtschaftskrise schuld …»

Pöilu: «Hyperaktivität het Rolf gseit! Früecher het e Lehrer so ne Schüeler eifach i ds Eggeli gstellt. Hüt schickt är ihn i d’Apothek.»

Rolf: «Mi tüecht, mäng Erwachseni het das Züügs nötiger als Chind. Öppe dr Sven Epiney: Dä cha vor luter Al dente und Füüf gäge Füüf ou nüm still sitze.»

Pöilu: «Wie wär’s mit em Peer Steinbrück? Dr dütsch Finanzminister. Es paar Tablettli Ritalin, und scho chiem är vom hoche Ross abe und würd sini Kavallerie vo dr Schwyzer Gränze wieder abzieh.»

Aschi: «Ou ja, gueti Idee: Ritalin für de Steinbrück, derfür chönnt sich üse Bundesrat d’Chopfweh-Tablette spare.»

Mehr zum Thema