Share on facebook
Share on twitter
Share on linkedin
Share on print

Rosemarie, no vier Balong Wyyssa, bitte. Dù, Tafer

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

Rosemarie, no vier Balong Wyyssa, bitte. Dù, Taferscher hii auso im waarschte Sinn vam Wort de Bock abgschosse. Im Velofaare wee das schampaar verdächtig, we drüü ùs de glyyche Mannschaft grad ali Medaylle abruume. Hät Tafersch iigetlich a Teamarzt?Was wosch dù im Schyesse scho mit Doping mache? Höchschtens weniger schlottere oder d Schyba klarer gsee. Tùma Züüg. Schyesse isch a subera Sport. Ii siiti eener: a schööna Lärm. Myer isch hundert Mau lyeber, de Tour de France zuezgùgge. Ma wiis zwar, dass nid ali suber sy, deföör gits as moords Spektakù. Mit em Underschiid, dass mù im Eidgenössische Schützefescht nid scho vo Aafang aa wiiss, wär ggwinnt… …ù a Syyg füüf Yaar zöut. Itz hii myer mit de Tour de France sübe Yaar z glyych Theater ù sübe Mau ggwinnt ging de glyycha. Aber chrützment, chöö dy andere Fahrer nid zäme gäge Lance faare?Wen äär dicker weeri chönnti mù sääge, äär sigi ùs
Chlyyna i Chessù vou mit Zoubertrank kyyt.Im Sùmmer wy im Winter z glyych Böud – oo daa: D Schwyzer sy ùmi asmau hinder de Ööschterryycher. Debyy häti myer ya gnueg Bärge fer z trenyere. Aber leyder hii myer a ki Bärgfloo mee. Bärgfloo – so hii syy früjer ghiisse. Hüt sy das yùschti Maschine, wy dy i Bärg wùy freese. Mit mim aute Chlapf weeni gwüss nid vöu flingger. We dù Sendigg weesch va Bärn chöntisch dyer äbe as bessers Outo liischte. De Tschäppù Tschäppät hät das Mau a Ggassggett zvüu aaghääbe. Dä arm Tropf verdyenet itz nùme no 240000 Franke. Isch das mit dem 13.? Mit sym Näbejob hät äär on no grad a 14. ùn a 15. bechoo.Kis Wùnder, we iina sogaar d Ferye häärgit, de sou äär oo yùscht verdyene. Erhoole chann är sich anschyynend anderschwaar: im Gmiinraat.

Mehr zum Thema