Rosemarie, no vier Balong Wyyssa, bitte. Ù a Blaas

Rosemarie, no vier Balong Wyyssa, bitte. Ù a Blaastescht grad dezue. De wiis mù anandernaa, wyföu Promille as mù im Bluet hät. Am iifachschte wees haut schoo, a ki Aukohou mee z triiche.Hör uf saassere.Scho mini Dahiim siit ging, ii söli nüme suufe. D Peizer müesse doch oo gläbt haa. Wiis itz iigetlich iina wyföu as es mag lide? Das mit dere Iis-Glaas-Politik isch doch nùme Chabis, oder niid? We das a soo wee, mit wyföu bün ii ächt früjer noo Outo gfaare? I tarf nid dra deyche. Da hii mer doch aube wäutz Chläppere im Grinn ghääbe. Wenn chùnnt ächtersch z erschta Handy usa mit integryertem Aukohoutescht. Das wee doch öppis. I glùùbe, we dù Schorsch teetisch blaase, das mögti a kis Handy uushaute. Bi dere Woucha. Bi üüs tarf mù nüme so föu triiche ù z Italye ùne isch z Rüücke fasch niena mee arlùùbt. Das isch doch as chiibe Züüg. As isch äbe nüme soo wy früjer, gälet. Oo im Schii-Wäutcup nid. Autz z Liidschta simmer: A Segù-, Fächt- oder Unihockeynatioon – aber was mer asmau hii chene, hii mer am Schynn na verleert.Itze söö sogar Schwyzer Soudate üser österrichische Nachpuure gfouteret haa. Auso, auso. Di hii sich la inspiriere fa de Tütsche ù de Amerikaner.Das isch itze hingäge ùmi wy früjer: De Schwyzer Tell, wo gäge hassig Habsbùrger Gessler kämpft… ù gwùnne hät. Mit em Unterschiid, dass das as Määrli isch ù z andera Realität.