Share on facebook
Share on twitter
Share on linkedin
Share on print

Unter die Wölfe geraten

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

Autor: Christian Schmutz

Patrick kommt in den Geier an den Stammtisch, grüsst überfreundlich, aber erhält keine Antwort.

Patrick: Fränzù, wysoo machschù son a Schmola?

Franz: Wier sy ifach di geboorene Verlierer! Itz han i doch gmint, mit Gottéron geengen es obsi ù wier sygi endlich ùmmi amaau eper i der Hockey-Wäut. U itz waas?

Hugo: Jaa, asch nit zùm Rüeme mit dene …

Patrick: U dùù Mischù!? Dù gseesch o nit zfrüden uus.

Michel (wehleidig): I ha am Mùrtelùùf de Wouf verwütscht.

Hugo: Potz Wärchtigshemmli, ali rede hüt vom Wouf!

Patrick: Jaja, de Wouf isch ùf ùm Poschte!

Michel: Dù minsch de Wöufli. Immerhin isch YB mit dùm Wöufli im Goou Tabälefüerer.

Franz: Ja, di anektiere mer itzte. Wier Fribùrger wii YB am Platz vo Gottéron!

Michel: Ou neei, de müesste mer de SCB awägg o graad dezue nää. Das wee ùbertrübe.

Hugo: De gwinte mer emù vilicht ùmmi amaau …

Franz: … ù chenti ùmmi mit de Wöuf hüüle …

Hugo: … statt dùrch e Fliischwouf vo Biel treeit z choo.

Patrick: Aber vilicht sy mer doch amaau Syyger – we üsersch Woufs-Päärli as Gschlüüpf setti aafaa ù näy Jùngi bùchoo.

Hugo (euphorisch): Ja, stölet nùch voor: Jùngi, hùngrigi, bissigi, hiissi Frybùrger Wöuf!

Michel: Das wee de näy vilicht ds böscht Masggottli: Drache oje, Wöuf ahoi!

Franz: Lisi, ùf di Idee nää mer no as Pastis.

Hugo: Proscht! D Rettig vo Gottéron stiit vor de Tüür!

Patrick (noch zurückhaltend): I hoffe nùme, das sygi de ki Wouf im Schaafspöuz …

Meistgelesen

Mehr zum Thema