Share on facebook
Share on twitter
Share on linkedin
Share on print

«Dori, zahle! Gnueg für hüt!» «Was? Chumm jitz, du

Share on facebook
Share on twitter
Share on linkedin
Share on print

Das ist ein bezahlter Beitrag mit kommerziellem Charakter. Text und Bild wurden von der Firma Muster AG aus Musterwil zur Verfügung gestellt oder im Auftrag der Muster AG erstellt.

«Dori, zahle! Gnueg für hüt!» «Was? Chumm jitz, du wetsch emu no nid gaa. Ds Schyrenne isch ou no nid fertig. Die beschte füfzäh chöme erscht no.» «Was wottsch? D’Schwyzer si scho all dunger, und vo de Italiäner und Öschtrycher han’i hüür scho gnue gseh.» «S’isch scho wahr. Wenn d Schwyzer dunger si, schlüüfe die angere dobe am Start fangs i d’Schyschueh.» «Was jammeret dir ou? Vonere Sägelnation cha me gwüss nid erwarte, dass sie uf Ys und Schnee ou no top isch.»«Witzknoche! Uf all Fäll muess me sich vo dem Frehsner trenne. Je schnäller, desto besser.» «Öppe so schnäll wie
d’Britney Spears sich vo ihrem Maa trennt het?» «Britney was?» «Britney Spears. Die Sängerin, wo z’Las Vegas ghürate het und zwölf Stund später scho ume trennt gsy isch.»«Isch das nid die, wo hoch und heilig kei Sex vor dr Hochzyt gschwore het?» «Jitz weisch ou, werum sie’s so pressant gha het mit Hürate.»

«Dori, no n’es Chübeli.»

«Zwölf Stund verhüratet sy. Was dänke sich die Junge vo hüt fangs? Mys Greti und i si scho 38 Jahr zäme, und es het my no nie groue. Aber verzell das mal eme Junge! De lachet di nume uus.» «Bi mir isch es halt das verflixte siebete Jahr gsy. Aber liecht hei mir üs denn die Scheidig nid gmacht.» «I bi ou esmal…» «Jitz chunnt no üse e Junggsell, wo s’Hürate nume vom Ghöresäge kennt.» «Äbe grad nid. I bi ou einisch ghürate gsy, nume wüsset dir das no nid.» «Was? Du? Chutzemischt! Wett nume wüsse, mit wem?» «Mit em Dori…» «S’wird immer schöner!» «Z’Yverdon, a dr Expo. Und ghüratet gsy si mir grad dopplet so lang wie d’Britney Spears.»

Mehr zum Thema