Häiäiäi. Schommi Dezember!Mier gfaut es emù supper, wen es gäge Endi Jaar zuegiit: Denn giits de Dryzääta.U d Schurnalischte mache schööni Jaaresrückblicke.Di fiere sich säuber. Hiit er gsee:D Frybùùrgera het de Tilgner la yyflüüge ù scho sy z Hùnderte choo ù hii ne fasch gfrässe.Asch fùr dää z Frybùrg awä gfäärlicher gsyy aus im Irak.Aber d Schurnalischte ù nit d Politiker gää d Theeme voor, wa mer drùber diskutiere. Chii mer de üser Schurnis o ga wääle?Das wee mer no. We mer bim Sendigg scho nüüt z sääge hii!Lisi, no as Pastis.
Aber Endi Jaar isch o d Zytt va «Music Star».Frybùrg isch det no guet vùrträtte, gau.Tüe re mitsinge?Neneei, det hets nùme a wee Zürcher ù Bäärner. Aber genaau drùm git es z Düdinge am Samschtig im Podium a regionaali Varianta:d DMWSDS.Hiisst daas «di meischte wüsse sicher de Sinn»?Neei. «Davids Music World sucht den Superstar».Aber as isch ja schon a Frybùrger Superstar i de ächti Music-Star-Jury:d Mia Aegerter.U de, wy aut git si sich det?We si sich jünger ggää het fùr «Bravo-TV», git si sich itz sicher öuter aus si isch – de chùnt iiras Kritik vilicht besser akzeptiert. Wiisch Lääbeserfaarig ù soo.U itz gäge Endi Jaar chää o ali di naagschmiizte Agende ù guete Voorsätz.UKalendere!Potz Wärchtigshemmli, ja! D Püürine, d Zöuner, d Würtine ù itz no di Pensionierte van era Musigg im Wallis. As git ùberhoupt niemer, wa sich nit abziet!Waart nùme:Itz chää de no dii 12 Böschte va Music Star…Näi di 12 Schurnalischte, wa vam Vouch ggwääut choo sy…Näy di lötschte 12 Gotteron-Fääns…D Promotoore va Gotteron-Village, we si bi 12 cm Schnee de Spaatestich mache…Näi di 12 eerschte Stammzäle i de Forschigslaboor…U zùm Schlùss no 12 Aagstöuti vam Frybùrg-Center.Kis Wùnder. Ma chenti ja miine, si schaffi im grööschte Fröydehuus va de Stadt.Daas mit de pùffrooti Wienachtsbelüchtig?Jaa. Scho nùme wäge dessi han i de Dezember gäär.
