Franz, Hugo und Patrick sitzen im Restaurant «zum Geier» am Stammtisch. Michel fehlt.
Wy gseets itz uus mit Voorsätz im nüe Jaar?I wot hööre rüücke.Da mueschù ùf Frankryych. D Franzoose häuffe der debyy.Wysoo?Lötscht Jaar sy det d Sygerett 43 Prozent tüürer choo. Das schleet der de ùf e Gaudseckù. Drùm isch es a gueta Grùnd fùr Voorsätz, oder?Voorsätz? Lisi, no as Pastis. I mache kinner.Laat mi la syy! I bü hütt schyyssigi. Mier isch z Nüjaar a Rakeeta graad näbe de Oore gchlöpft.As fründlichs Lächle chenti o fùr ds Lisi a Nüjaarsch-Voorsatz syy.Vilicht wott si o nùme naahäuffe, ass wier hie ine weniger Pastis gùùrgle.U de Mischù chenti sich voornää, amaau bitz pünktlicher z syy.I wiis nit, was dù hesch. Myni Frou phùùptet emù ging, i cheemi z früü.Jaa, daas mit de Voorsätz isch taatsächlich nit fùr ali glyych. As chùnt ùf d Umgäbig ù d Täätigkiit drùfaa.A par Charter-Flüügere bruuchti mee Sicherhiit……ù d Schwyzer Schyyfaarer ruig a bitz mee Risiko. Vilicht cheemi si de amaau nùme Zweitlötscht.Jaa. U d Schwyzer Politikerine müesse offensyyver choo……we glyychzytig d Britney Spears aus as bitzli ruiger ù psùnener chenti aapacke.Potz Wärchtigshemmli, a dera gseet er, was passiert, we der zvüu Pastis ùf ds Maau süürggelet.Aber asoo präglet bün i doch no nie gsyy, ass i graad ghiraate hetti.Dù wosch doch nid sääge, dù sygisch nüechtera gsyy, wo dù Dyni ghiraate hesch!Tùma Chrieswasserpüntù!Hügù, vilicht heschù a dym Hochzyt ja sogaar gsùnge…Hoffentlich niit, schüsch stygt es der de glyych i Chopf wy dene Möchtegern-Stars va MusicStar. As kent si no niemer, aber päägge ù plöffig ùmabrüele chii si scho wy di Groosse.Aber bys si ächti Wäutstars sy, müesse si haut doch no zeersch im Zyegù ine hiraate ù zmoonerisch chene ga sääge, as sygi de nüüt gsyy.Epa wy d Delete-Taschta am Kompyuuter.